वाशी शिवसत्ता टाइम्स (वार्ताहर):-
अपघातादरम्यान कारमधील ‘एअर बॅग’ उघडून त्याचा फटका बसल्याने एका सहा वर्षांच्या मुलाचा मृत्यू झाल्याची घटना शनिवारी रात्री वाशीत घडली. संबंधित कार चालकाविरोधात वाशी पोलिसांनी गुन्हा दाखल करून त्याला ताब्यात घेतले आहे.वाशी सेक्टर-१५ मध्ये राहणारा मावजी अरेठीया (३५) शनिवारी रात्री वॅगनर कारमधून आपला सहा वर्षीय मुलगा हर्ष व तीन पुतण्यांना घेऊन बाहेर पडला होता. ब्ल्यू डायमंड चौकात पुढच्या कारच्या चालकाचे नियंत्रण सुटल्याने ही कार रस्ता दुभाजकावर धडकली. तिचे मागचे चाक निखळून मावजी यांच्या गाडीवर आदळले. त्यामुळे वॅगनारच्या दोन्ही एअरबॅग उघडल्या. याचा हर्षला जोरात फटका बसून तो बेशुद्ध पडला. त्याला महापालिकेच्या रुग्णालयात नेले, मात्र त्याचा मृत्यू झाला.दरम्यान, हर्षला कोणतीही बाह्य दुखापत झाली नाही. मानसिक धक्का आणि रक्तस्त्रावामुळे त्याचा मृत्यू झाल्याचा डॉक्टरांचा संशय आहे. SUV ड्रायव्हर, कॉस्मेटिक सर्जन डॉ विनोद पाचाडे (४०) यांच्या विरोधात रॅश आणि निष्काळजीपणे ड्रायव्हिंग केल्याबद्दल एफआयआर दाखल करण्यात आला आहे.तज्ज्ञांनी सांगितले की एअरबॅग ही एक महत्वाची सुरक्षा यंत्रणा आहे, परंतु काही प्रकरणांमध्ये त्या चेहऱ्यावरील आणि पोटात दुखापत होण्यासही कारणीभूत ठरतात. त्यामुळे, विशेषत: १३ वर्षांखालील मुलांना गाडीत पुढे बसवू नये, असे ते म्हणाले.हर्षचे वडील मावजी अरेठीया मस्जिद बंदर येथे स्टेशनरीचे दुकान चालवतात. ते वाशी येथे आपल्या भावासोबत राहतात… शनिवारी उशिरा घरी परतल्यानंतर हर्ष आणि पुतण्यांनी पाणीपुरी खाण्याची इच्छा व्यक्त केली. मावजींनी आपली कार काढली. गाडीत हर्ष पुढे बसला होता, तर पुतणे मागे बसले होते.रात्री साडेअकरा वाजताच्या सुमारास, माझ्या गाडीसमोरील एका एसयूव्हीचे नियंत्रण सुटले आणि ती रस्त्याच्या मध्यभागी आदळली. मी करकचून ब्रेक दाबला, पण त्या गाडीचा मागचा भाग हवेत सहा ते सात फूट उंच उडाला आणि माझ्या कारच्या बोनेटवर आदळला. त्यामुळे माझ्या कारच्या एअरबॅग ताबडतोब उघडल्या” असे मावजी म्हणाले…