म्हसळा शिवसत्ता टाइम्स (वार्ताहार):-
श्रीवर्धन मतदार संघातून आज मंत्री अदिती तटकरे यांच्या विरोधात लढणाऱ्या उमेदवाराचे अर्ज दाखल होणार आहेत. माविआकडून शिवसेनेतून राष्ट्रवादीकडे गेलेलं अनिल नवगाने तर मनसे कडून फैसल पोपेरे आज आपला उमेदवारी अर्ज दाखल करणार आहेत.त्यामुळे श्रीवर्धन मतदार संघातून तिहेरी लढत होताना पहायला मिळणार आहे. मनसेचे फैसल पोपेरे हे दुसऱ्यांदा निवडणूक लढवत आहेत. त्यामुळें त्यांना या मतदार संघाचा दांडगा अनुभव आहे.तर दूसरीकडे मुस्लीम मतांचं विभाजन होण्याची दाट शक्यता आहे. लोकसभेला सुनील तटकरे यांना मुस्लिम मतांचा फटका बसला होता.त्यामुळे मते पोपेरे यांचे पारड्यात पडण्याची शक्यता आहे.फैसल पोपेरे हे मनसेचे निष्ठावंत मनसैनिक राहिले असून मनसेला आता श्रीवर्धन मतदार संघातून कसा प्रतिसाद मिळणार हे पाहणे महत्वाचे राहील …
