श्रीवर्धन शिवसत्ता टाइम्स (नरेश पाटील):-
शक्ती प्रदर्शन करीत, ढोल ताशांच्या गजरात वाजतगाजत अनिल नवगने यांनी आपला उमेदवारी अर्ज १९३, श्रीवर्धन विधानसभा मतदार संघाकरीता निवडणूक निर्णय अधिकारी श्रीवर्धन मध्य प्रशासकीय कार्यालयात मंगळवार दि. ३० ऑक्टोबर रोजी अंतिमदिनी सादर केला आहे. तत्पूर्वी श्रीवर्धन शहारत मोठी शक्ती प्रदर्शन रॅली काढण्यात आली… या रॅलीत हजारोंच्या संख्येने युवती,महिला, दुचाकीवर बसून जयघोष करीत तसेच नागरीक आणि कार्यकर्ते उपस्थित होते…या रॅलीत महविकस आघाडीचा सर्व प्रमुख पक्ष, मित्र पक्ष यांचे झेंडे हातात घेऊन,परिधान केलेल्या शाल , हातात शरद पवार यांचे फोटो फलक, छातीवर बिल्ला, डोक्यावर टोपी दिसून आले. रॅली दरम्यान शिवसेना पक्षाचे प्रसिध्द राजकीय निवडणुकीबाबत गाणी लावून उत्साहाच्या वातावरणात ‘हम बी कूच कम नही.’ च्या तालावर मिरवणूक काढण्यात आली…रॅली सोमजई माता देवी मंदिर जवळ येताच महाविकस आघाडीचे उमेदवार अनिल नवगने यांनी दर्शन घेऊन निवडणूक कार्यालयात अर्ज सादर केला…अनिल नवगने हे तुतारी चिन्हावर निवडणूक लढवत असल्याने श्रीवर्धन विधानसभा मतदार संघातील निवडणूक रंगतदार तसेच चुरशीची बनल्याचे आता स्पष्ट झाले आहे…राजकीय वर्तुळात अत्यंत वजनदार,लोकप्रिय,तसेच राजकीय क्षेत्रात अनुभवी नेते म्हणून अनिल नवगने यांना ओळखले जाते…त्यामुळे यंदाच्या निवडणुकीत त्यांचा विजय निश्चित असल्याचे बोलले जात आहे…अनिल नवगने अर्ज सादर करताना त्यांच्या समवेत माजी आमदार तुकाराम सुर्वे,श्रीवर्धन शिवसेना उद्धव बाळासाहेब ठाकरे पक्षाचे पदाधिकारी अविनाश कोलंबेकर,अरुण शिगवण,अनिल पवार,शिवराज चापेकर आणि कृष्णा म्हात्रे उपस्थित होते…
