अलिबाग शिवसत्ता टाइम्स (धनंजय कवठेकर):-
विधी सेवा समितीच्या माध्यमातून जिल्हा व तालुकास्तरावर विधी सेवा समिती कडून वेळोवेळी कायदेविषयक मार्गदर्शन शिबिरे घेण्यात येत असतात…विधी सेवा समितीकडून अनेक बाबतीत मोफत कायदेविषयक सेवा पुरविली जाते…विधी सेवा समितीच्या या कार्याची माहिती सर्वांना व्हावी तसेच सर्वांसाठी न्याय ही संकल्पना सर्वत्र पोहोचावी यासाठी हे शिबिर महत्त्वाचे असल्याचे प्रतिपादन जिल्हा व प्रमुख सत्र न्यायाधीश व जिल्हा विधी सेवा समितीचे अध्यक्ष ए.एस.राजंदेकर यांनी रिलायन्स पेट्रोकेमिकल्स कंपनीच्या बालगंधर्व रंगभवन सभागृहात रविवार दि.१९ जानेवारी रोजी संपन्न झालेल्या विधी सेवा महशिबिर, शासकीय सेवा व योजनांच्या महामेळाव्यात केले…यावेळी त्यांनी जिल्हा व तालुका स्तरावर विधी सेवा समितीकडून राबविले जाणारे विविध उपक्रम व सेवांची माहिती उपस्थितांना दिली…या शिबिरास रायगडचे जिल्हाधिकारी किशन जावळे,जिल्हा परिषदेचे मुख्य कार्यकारी अधिकारी डॉ. भरत बास्टेवाड, जिल्हा सरकारी वकील ॲड. संतोष पवार, अलिबाग बार असोसएशनचे अध्यक्ष ॲड. प्रसाद पाटील, जिल्ह्यातील न्यायालयातील न्यायाधिश, शासनाच्या विविध खात्याचे अधिकारी, जिल्हा व जिल्ह्यातील तालुका विधी सेवा समिती मधील वकील वर्ग, अनेक मान्यवर, शासकीय कर्मचारी तसेच बचत गटाच्या महिला मोठ्या संख्येने उपस्थित होत्या… जिल्हाधिकारी किशन जावळे यांनी आपल्या मनोगतात सांगितले की,उच्चशिक्षित व्यक्तींनाही कायद्याचे ज्ञान नसते. त्यामुळे राष्ट्रीय विधी सेवा समितीने भविष्यात शालेय स्तरावर कायद्याची तोंड ओळख देणारे विषय अभ्यासक्रमात समाविष्ट करावेत असे मत व्यक्त केले…यावेळी त्यांनी महसूल खात्याकडून राबविल्या जाणाऱ्या विविध महत्त्वकांक्षी योजनांची सखोल माहिती दिली.