खोपोली शिवसत्ता टाइम्स (खलील सुर्वे) :-
खोपोली नगरपरिषदेचे मुख्याधिकारी यांनी नागरिकांच्या कराचे 70 लाख रुपये आपल्या खिशातून परत करावे अथवा राजीनामा द्यावा ह्या मागणीसाठी आम आदमी पार्टी तर्फे डॉ. बाबासाहेब आंबेडकर स्मारकासमोर एक दिवसीय धरणे आंदोलन करण्यात आले….
खोपोली नगरपरिषद हद्दीतील प्रभाग क्रमांक सहा येथील शाळेच्या समोरील मैदानावर नगर परिषदेमार्फत अनधिकृत टर्फ बांधकाम करण्यात आले आहे…. सदर मैदानावरून टाटा पावर कंपनी व मध्य रेल्वेची एक लाख दहा हजार व्होल्ट असलेली उच्च दाबाची विद्युत वाहिनी जात असून, नगरपरिषदेने सदर बांधकाम करण्याकरिता कोणतीही परवानगी घेतली नाही…. टाटा पावर कंपनीतर्फे नगर परिषदेला सदर अनाधिकृत बांधकाम हटवण्याबाबत नोटीस देण्यात आलेली आहे….
नगर परिषदेने सदर बांधकाम करण्यापूर्वी टाटा पावर कंपनीची व मध्य रेल्वेची परवानगी घेणे अनिवार्य होते परंतु तसे न केल्यामुळे नागरिकांच्या कराचे 70 लाख रुपये वाया गेले आहेत…. तरी खोपोली नगर परिषदेचे मुख्याधिकारी तथा प्रशासक डॉ. पंकज पाटील यांनी आपल्या खिशातून 70 लाख रुपये परत करावे अथवा राजीनामा द्यावा या मागणीसाठी आम आदमी पार्टी तर्फे भारतरत्न डॉ. बाबासाहेब आंबेडकर स्मारक समोर एक दिवसीय धरणे आंदोलन करण्यात आले….
उच्च न्यायालयाने खोपोली नगरपरिषदेला दणका दिला असून, सदर कामावर स्थगिती लावलेली आहे…. मुख्याधिकारी यांनी केलेले बांधकाम हे अनियमित असून अनधिकृत आहे व त्यांनी सदर कामाची जबाबदारी घेऊन राजीनामा द्यावा अशी मागणी आम आदमी पार्टी खोपोली शहर अध्यक्ष ग्यासुद्दीन खान यांनी केली….
आम्हाला न्याय न मिळाल्यास आम्ही सोमवार दिनांक 4 ऑगस्ट 2025 रोजी रायगड जिल्हाधिकारी कार्यालय यांच्यासमोर एक दिवसीय धरणे आंदोलन करणार आहोत व तेथे सुद्धा न्याय न मिळाल्यास आझाद मैदानावर आंदोलन करू असे आम आदमी पार्टी प्रदेश संघटन सचिव डॉ पठाण यांनी सांगितले.
सदर आंदोलनाकरिता आम आदमी पार्टी खोपोली शहर उपाध्यक्ष विवेक वाघमारे, शहर सचिव चंद्रप्रकाश उपाध्याय, खालापूर तालुका उपाध्यक्ष कस्तुरचंद राठोड, शहर उपाध्यक्ष परमेश्वर कट्टीमनी, प्रभाग क्रमांक पाच अध्यक्ष भगवान पवार, सुमित नांगरे, राम पवार,जितेश सुतार यांनी सक्रिय सहभाग नोंदवला.