नाशिक शिवसत्ता टाइम्स (वार्ताहर):-
नाशिकमध्ये आदित्य ठाकरे यांच्या ताफ्यातील एका गाडीला अपघात झाल्याची धक्कादायक बातमी समोर आली आहे. आदित्य ठाकरे यांचा सध्या नाशिक दौरा असून त्याच वेळी त्यांच्या ताफ्यातील एका गाडीला दुचाकीस्वाराने धडक दिल्याने अपघात झाला. सुदैवाने या अपघातात कोणतीही जीवितहानी झालेली नसून एक जण किरकोळ जखमी झाला आहे. दरम्यान आदित्य ठाकरे हे सुखरूप आहेत.आदित्य ठाकरे हे सध्या नाशिक दौऱ्यावर असून आज येवल्यामध्ये देखील त्यांची सभा पार पडली. त्याच वेळेस त्यांच्या ताफ्यातील एका गाडीला दुचाकीस्वाराने मागून धडक दिली. या अपघातामध्ये दुचाकीस्वार किरकोळ जखमी झाला आहे. कारला मागून धडक दिल्याने कारची काच फुटली आणि दुचाकीस्वार जखमी झाला. मनमाड शहरात जात असताना हा अपघात झाल्याचे समजते…
