उरण शिवसत्ता टाइम्स ( प्रविण पाटील):-
भेंडखळ ग्रामपंचायत हद्दीतील हिन्दुस्तान पेट्रोलियम कॉर्पोरेशन लिमिटेड( HPCL) कंपनीचे जनरल मॅनेजर राजेंद्र टिकेकर यांच्या नेतृत्वाखाली कंपनीतील कामगारांनी गणेशोत्सवाच्या निमित्ताने हजारो पर्यटकांचे आकर्षण असलेल्या पिरवाडी चौपाटीवर शनिवारी दिनांक १४ रोजी सकाळी स्वच्छता अभियान हाती घेतले.दिड व पाच दिवसांच्या गणपती बाप्पाच्या विसर्जनाच्या वेळी पिरवाडी चौपाटीवर विखरलेला निर्माल्य, हार ,फुले, केर कचरा गोळा करुन त्यांची योग्य जागेवर विल्हेवाट लावली.यावेळी कंपनीच्या अधिकारी व कामगारांनी उरण वासियांना स्वच्छतेच महत्व पटवून देत आपला परिसर स्वच्छ ठेवा,झाडे लावा पर्यावरण वाचविण्याचे आवाहन केले.
हिन्दुस्तान पेट्रोलियम कॉर्पोरेशन लिमिटेड ( HPCL) कंपनीच्या स्वच्छता अभियान राबविण्यात कंपनीचे जनरल मॅनेजर राजेंद्र टिकेकर,चिफ मॅनेजर रोहित सी, कनिष्ठ अभियंता राहुल चव्हाण, मॅनेजर हेमंत कुमार , अधिकारी सोनु गुप्ता, अधिकारी रोशन शर्मा, सामाजिक कार्यकर्ते शिवाजी ठाकूर तसेच कामगार सहभागी झाले होते. स्वच्छ भारत अभियान हे राष्ट्रीय स्तरावरील महत्त्वाचे अभियान आहे, ज्याचा उद्देश रस्ते आणि पायाभूत सुविधा स्वच्छ ठेवणे आणि झाडे लावणे असा असल्याचे कंपनीचे अधिकारी हेमंत कुमार यांनी पटवून दिले.
