उरण शिवसत्ता टाइम्स (विठ्ठल ममताबादे):-
रायगड जिल्ह्यातील उरण तालुक्यात गुन्हेगारीला पेव फुटले आहे… मारहाणीच्या तसेच हिट अँड रन च्या घटना तालुक्यात वारंवार घडत आहेत…उरणमध्ये अशीच एक घटना दिनांक ७ सप्टेंबर २०२४ रोजी रात्री साडे ११ वाजण्याच्या सुमारास घडली… तालुक्यातील वेश्वि येथील रहिवासी विकास अनंत मुंबईकर यांच्या मुलीचा वाढदिवस असल्याने ते केक आणण्यासाठी त्यांची दुचाकी क्रमांक MH ४६ AW ५४१५ घेऊन वेशवी ते दिघोडे असे जात होते. त्यावेळी क्रिस्टल यार्ड येथे एका भरधाव कारने त्यांच्या दुचाकीला जोरात धडक दिली. या अपघातात ते दुचाकी वरून उडून रस्त्यावर पडले आणि त्यांच्या उजव्या पायाच्या पोटरीला गंभीर इजा झाली. मोठ्या प्रमाणात रक्तस्त्राव झाला तसेच त्यांना फ्रॅक्चर देखील झाल्याचे मेडिकल सुत्रंमार्फत सांगण्यात आले आहे… यावेळी अपघात करून पळ काढणाऱ्या कारचा दुसऱ्या कारने पाठलाग केला . त्या गाडीचे फोटो आणि व्हिडिओ शूटिंग देखील केले गेले . ती गाडी मारुती सुझुकी कंपनीची होती तर तिचा क्रमांक MH ४६ BQ ०७४८ असा होता…
या अपघाताबाबत गावात समजल्यानंतर विकास मुंबईकर यांचे भाचे आशुतोष पाटील, प्रतीक पाटील, आदित्य पाटील यांनी तात्काळ घटनास्थळी हजर होत विकास मुंबईकर यांना उपचाराकरिता पनवेल तालुक्यातील पुरोहित हॉस्पिटलमध्ये दाखल केले… डॉक्टरांच्या म्हणण्यानुसार त्यांचे तीन ठिकाणी पायाचे हाड तुटलेले आहे…हा अपघात पूर्ववैमनस्यातून एकाने केला असल्याचा आरोप मुंबईकर कुटुंबीयांनी केला आहे. सदर व्यक्ती गुन्हेगारी प्रवृत्तीची असून त्याच्यावर यापूर्वीही अनेक गुन्हे दाखल आहेत. त्यानेच माझ्या पतीचा अपघात घडवून त्यांना जीवानिशी मारण्याचा प्रयत्न केल्याचा आरोप मुंबईकर यांच्या पत्नीने केला आहे…
