श्रीवर्धन शिवसत्ता टाइम्स (आनंद जोशी ) :-
विधानसभा निवडणुकीला आता काही तास शिल्लक राहिले असताना 193,श्रीवर्धन विधानसभा मतदारसंघातील अपक्ष उमेदवार राजाभाऊ ठाकूर यांची जोरदार सभा रविवार दि.17 नोव्हेंबर रोजी न.प.च्या पाठीमागील मैदानात झाली…प्रारंभी छ.शिवाजी महाराज,डाॅ.बाबासाहेब आंबेडकर यांच्या प्रतिमांना पुष्पहार अर्पण करण्यात आले…सभेमध्ये प्रारंभी प्रभावती उपाध्ये,सौ.अरुणा येलवे,प्राजक्ता लोखंडे आदींनी आपल्या मनोगतातून राजाभाऊ ठाकूर यांनाच बहुमताने विजयी करण्याचे आवाहन केले…त्यानंतर राष्ट्रवादी (शरदचंद्र पवार गटाचे)सामाजिक न्याय विभागाचे ज्येष्ठ पदाधिकारी श्री.सदानंद येवले यांनी आपल्या घणाघाती भाषणात खा.तटकरे यांच्या बद्दल बोलताना सांगितले की,आपण शरदचंद्र पवार,बॅ.अंतुले आदी नेत्यांना कसे विसरलात? आता ओएनजीसीची चेअरमन शीप मिळालेल्या खा.तटकरेंकडून तरुणांना नोकऱ्या मिळणार का?स्थानिकांना पेट्रोल पंप मिळतील का?असे अनेक सवाल उपस्थित केले…उमेदवार राजाभाऊ ठाकूर आपल्या संयमी परंतु आक्रमक भाषेत म्हणाले की, माझे वडील कै.मधुकर ठाकूर,बॅ.अंतुले,रविंद्र राऊत यांना काही लोक आता विसरले आहेत…माझ्या वडिलांनी प्रामाणिकपणे लोकसेवा केली…महाविकास आघाडीच्या जागावाटपात रायगडमधील कोणतीही जागा काँग्रेसच्या वाट्याला न आल्यामुळेच केवळ मी अपक्ष उमेदवार म्हणून फाॅर्म भरला…मी कट्टर काँग्रेसी उमेदवारच आहे असे समजून मतदान करण्याचे आवाहन केले…सभेच्या प्रारंभी श्री.सुर्वे,गणपत गमरे,डाॅ.सिंग आदिंचे स्वागत करण्यात आले…राजाभाऊंच्या सभेला मोठा जनसमुदाय उपस्थित होता…
