महाड शिवसत्ता टाइम्स (रेश्मा माने) :-
मुंबई-गोवा महामार्गावर इंदापूरनजीक असणाऱ्या वावे दिवाळी गावाजवळ एका कार अपघातामध्ये पती- पत्नी -चा जागीच मृत्यू झाल्याची घटना समोर आली आहे…महाड दिशेकडून मुंबई दिशेकडे जात असताना वाहनावरील नियंत्रण सुटल्याने कार थेट नदीत कोसळली…यामुळे कारचा संपूर्ण चक्काचूर झाल्याने या कारमधील देवयानी दशरथ दुदुमकर आणि दशरथ दुदुमकर या दाम्पत्याचा जागीच मृत्यु झाला. मुंबई गोवा महामार्गावरील इंदापूर वावे दिवाळी गावाजवळ हा अपघात घडला. सोमवारी सायंकाळी उशिरा हा अपघात घडला होता. या अपघातातील वाहन क्रेनच्या सहाय्याने बाहेर काढण्यात आले. त्यावेळी कारची अवस्था अत्यंत वाईट होती…वाहनावरील नियंत्रण सुटल्याने भरधाव कार नदीवरील पुलाचा कठडा तोडून कार खाली कोसळली. ही कार जोरात खाली आदळली. नदीच्या पात्रात फारसे पाणी नव्हते. त्यामुळे खालील दगडांवर कार जोरात आदळली. त्यामुळे संपूर्ण कार चेपली गेली. परिणामी कारमध्ये असणाऱ्या दाम्पत्याचा जागीच मृत्यू झाला…या गाडीमध्ये एकूण तीन प्रवासी प्रवास करीत होते यातून दोघांचा मृत्यू झाला असून चालक जखमी आहे देवयानी दशरथ दुदुमकर व दशरथ दुदुमकर अशी मयत झाल्यांची नावे आहेत… ते मुंबई येथे राहणारे असल्याची माहिती मिळाली आहे… अपघाताची माहिती मिळताच माणगाव पोलीस घटनास्थळी दाखल झाले व ग्रामस्थ व क्रेनच्या साह्याने गाडीला वर काढण्यात आले आहे… जखमी झालेल्या चालकाला उपजिल्हा रुग्णालय माणगाव येथे दाखल करण्यात आले आहे…
