माणगाव शिवसत्ता टाइम्स (दिपक दपके) :-
माणगाव तालुक्यातील मौजे कशेणे गावात बिबट्याचा मुक्त संचार सीसीटीव्हीमध्ये कैद झाला आहे…. मुंबई गोवा महामार्गावर असलेल्या कशेणे गावात मनोज गावाने यांना बिबट्याचं दर्शन दोन दिवसांपूर्वी झाले होते…. गेले दहा दिवस गावात बिबट्याचा वावर असल्याचा स्थानिकांकडून सांगण्यात आले परंतु, त्यावर कोणाला विश्वास बसत नव्हता…. दि. २९ जुलै रोजी रात्रीच्या सुमारास कशेणे गावातील गणपत सखाराम शिंदे यांच्या घराच्या पाठी मागील लावलेल्या सीसीटीव्हीमध्ये बिबट्या कैद झाला आहे…. बिबट्याचा वावर गावात असल्याने गावकऱ्यांमध्ये भीतीचे वातावरण निर्माण झाले आहे…. गावातील तीन कुत्री सुद्धा याच बिबट्याने गायब केली असल्याची माहिती गावकऱ्यांनी दिली आहे…. याबाबत वनविभाग अधिकारी प्रशांत शिंदे यांना माहिती देण्यात आली असून, त्यांनी सतर्क राहण्याचे आवाहन गावकऱ्यांना केले आहे….