पनवेल शिवसत्ता टाइम्स (वार्ताहर):-
शिवसेना पक्षप्रमुख उद्धव बाळासाहेब ठाकरे यांच्या आदेशानुसार अतिवृष्टीग्रस्त शेतकऱ्यांना न्याय मिळावा या मागणीसाठी राज्यभर शिवसेना (उद्धव बाळासाहेब ठाकरे) पक्षातर्फे आंदोलन करण्यात आले.या पार्श्वभूमीवर पनवेल तहसील कार्यालयासमोर शिवसेना उपनेते बबनदादा पाटील आणि जिल्हाप्रमुख शिरीष घरत यांच्या नेतृत्वाखाली तीव्र आंदोलन करण्यात आले.शिवसेनेतर्फे नायब तहसीलदार (महसूल) तथा कार्यकारी दंडाधिकारी राजश्री जोगी यांना निवेदन देण्यात आले.
अतिवृष्टीमुळे झालेल्या पीक नुकसानीबाबत शेतकऱ्यांना सरसकट हेक्टरी ५०,००० मदत देणे,सर्व शेतकऱ्यांना कर्जमाफी देणे, नुकसान झालेल्या नागरिकांना तातडीने आणि योग्य मोबदला देणे, तसेच पिकविमा रक्कम तातडीने खात्यात जमा करण्याची मागणी करण्यात आली.या मागण्या तातडीने पूर्ण न झाल्यास तीव्र आंदोलनाचा इशारा शिवसेनेने दिला आहे.
यावेळी उपजिल्हा प्रमुख भरत पाटील, विधानसभा संघटक दिपक निकम, विधानसभा समन्वयक प्रदीप ठाकूर, महानगर प्रमुख अवचित राऊत, उपमहानगर प्रमुख रामदास गोंधळी,शहरप्रमुख प्रवीण जाधव, शहर प्रमुख यतीन देशमुख, शहर प्रमुख सदानंद शिर्के, शहर प्रमुख सूर्यकांत म्हसकर, युवासेना जिल्हा अधिकारी पराग मोहिते, विधानसभा अधिकारी अजय पाटील, महिला आघाडीच्या उपजिल्हा संघटिका सौ. रेवती सकपाळ,तालुका संघटिका सौ.अनीता डांगरकर, सौ. तनुजा झुरे, उपमहानगर संघटिका योजना शिंदे, सौ. समीक्षा पांगम, सौ. अर्चना क्षीरसागर, सौ. श्रद्धा जाधव, शहर संघटिका सौ. ज्योति मोहिते, सौ. संगीता राऊत, सानिका मोरे, सौ. सामीना कुडाळकर यांच्या सह शिवसेना पदाधिकारी मोठ्या संख्येने उपस्थित होते.