श्रीवर्धन शिवसत्ता टाइम्स (आनंद जोशी) :-
श्रीवर्धनचे ज्येष्ठ पत्रकार,सामाजिक कार्यकर्ते श्री.आनंद काशिनाथ जोशी यांची नुकतीच ज्येष्ठ नागरिक महासंघ (फेस्काॅम)या ज्येष्ठांसाठी सर्वांगीण कार्य करणाऱ्या संस्थेच्या कोकण प्रादेशिक विभागासाठी उपाध्यक्ष म्हणून 2024 ते 27 या तीन वर्षांकरिता बिनविरोध निवड झाली…अन्य दोन उमेदवारांनी आपले उमेदवारी अर्ज मागे घेतले.श्री.जोशी हे ज्येष्ठ पत्रकार व सामाजिक कार्यकर्ते असून सामाजिक बांधिलकी म्हणून ते नेहमी विविध सामाजिक हिताच्या कामकाजांत सक्रीय असतात.ते माजी प्राचार्य असून त्यांनी आजपर्यंत एस.एस.सी.बोर्ड, आकाशवाणी केंद्र, नगरसेवक, गायन,श्री लक्ष्मीनारायण देवस्थान कमिटी आदि विविध क्षेत्रांत व संस्थांत काम केले आहे…श्रीवर्धन तालुका सेवानिवृत्तांच्या संघटनेचेही उपाध्यक्ष असून ,ज्येष्ठ नागरिक संघ,श्रीवर्धन, कोकण मराठी साहित्य परिषद आदि विविध क्षेत्रांत कार्यरत आहेत. त्यांच्या या नवीन निवडीने अनेक हितचिंतकांनी त्यांचे अभिनंदन करुन त्यांना शुभेच्छा दिल्या आहेत…
