महाड शिवसत्ता टाइम्स (रेश्मा माने):-
मागील काही दिवसापासून बिरवाडी विभागातून अनेक तरुण बेपत्ता झाल्याची तक्रार एमआयडीसी पोलीस ठाण्यात दाखल करण्यात आली आहे… त्यापैकी काही तरुणांचा तपास लागला असून अद्यापही काही तरुण आजही बेपत्ता आहेत… बिरवाडी कुंभारवाडा येथील मयूर प्रवीण यादव वय वर्ष 19 या तरुणाने अज्ञात कारणामुळे आपले घर सोडले आहे…
कोणालाही न सांगता मयूर आपल्या राहत्या घरातून निघून गेला… मयूर यादव याचे वडील प्रवीण यादव यांनी आजूबाजूच्या नातेवाईकांकडून मयूरचा तपास केला असता मयूर कुठेही न सापडल्याने त्यांनी थेट महाड एमआयडीसी पोलीस ठाणे गाठले…आणि मयूर बेपत्ता झाल्याची तक्रार दाखल केली…मयूर यादव हा तरुण कोणालाही आढळल्यास महाड एमआयडीसी पोलीस ठाणे येथे संपर्क साधावा असे आवाहन पोलिसांनी केले असून या संपूर्ण तक्रारीचा अधिक तपास सहाय्यक पोलीस निरीक्षक जीवन माने यांच्या मार्गदर्शनाखाली पोलीस हवालदार प्रवीण राठोड हे करीत आहेत.
