महाड शिवसत्ता टाइम्स (रेश्मा माने):-
महाड तालुक्यातील आमशेत येथील रहिवाशी अशोक हरिभाऊ पवार हे गेली 30 ते 40 वर्षापासून आमशेत गावामध्ये वास्तव्यास आहेत…अनेक वर्षापासून रहिवाशी असून देखील ग्रामपंचायत व ग्रामस्थांनी त्यांना गावठाण जागेमध्ये घर बांधण्यास बंदी घातली…त्यामुळे अशोक पवार यांनी एमआयडीसीच्या रिकाम्या जागेत झोपडे बांधले होते…मात्र मी शूद्र बेलदार समाजाचा असल्याकारणाने आमशेत पोलीस पाटील व त्यांच्या सहकार्याने रात्री येऊन माझे झोपड तोडले असा आरोप अशोक पवार यांनी केला आहे…तसेच तू पुन्हा इथे झोपड बांधले तर झोपड्या सकट तुला व तुझ्या कुटुंबाला जाळून टाकू अशी धमकी देण्यात आली आहे…या संपूर्ण घटनेला भयभीत होऊन अशोक पवार व त्याच्या कुटुंबीयांनी महाड प्रांत अधिकारी व महाड एमआयडीसी पोलीस ठाणे येथे लेखी निवेदनाद्वारे तक्रारी अर्ज दाखल केला आहे. मी बेलदार समाजाचा असल्यामुळेच माझ्यावर हा अन्याय होत असून मला व माझ्या कुटुंबीयांना लवकरात लवकर न्याय मिळावा अशी मागणी तक्रारदार अशोक पवार यांनी केली आहे…
