मुरुड शिवसत्ता टाइम्स (संतोष हिरवे):-
मुरूड–जंजिरा नगरपरिषद सार्वत्रिक निवडणूक २०२५ च्या पार्श्वभूमीवर मुरूड कोळीवाडा येथे वॉर्ड क्रमांक ८,९ आणि १० मधील उमेदवारांसाठी संयुक्त प्रचार सभा राष्ट्रवादी प्रदेशाध्यक्ष माननीय खासदार सुनीलजी तटकरे यांच्या प्रमुख उपस्थितीत पार पडली.
सभेला संबोधित करताना, मुरूड शहराशी असलेली अनेक वर्षांची ओळख आणि जिव्हाळा तटकरे साहेबांनी व्यक्त केला. पालकमंत्री असताना कोळी बांधवांसाठी देण्यात आलेले पॅकेज तसेच अर्थमंत्री म्हणून घेतलेले विविध क्रांतिकारी निर्णय यांची आठवण करून दिली.पद्मदुर्ग किल्ला आणि जंजिरा किल्ला यांसारख्या ऐतिहासिक स्थळांमुळे येथे मोठ्या प्रमाणावर पर्यटकांची वर्दळ असते. मच्छीमारांसाठी २०१० मध्ये मांडलेला महत्त्वपूर्ण निर्णय आणि हा संपूर्ण किनारा मच्छीमारांचा बेल्ट असल्याचा उल्लेख करत,जशी मुंबईत ससून डॉक आणि भाऊचा धक्का आहे, त्याच धर्तीवर येथे आधुनिक मच्छीमार जेटी उभारण्याचा माझा मानस असल्याचे स्पष्ट केले.मुरूडच्या सर्वांगीण विकासावर माझा कायम भर आहे असे तटकरे साहेबांनी आपल्या वाणीतून व्यक्त केले,महिलांसाठी ‘कोळी भवन’ उभारण्याचा संकल्पही व्यक्त केला.या निवडणुकीत घड्याळ चिन्ह असो वा मशाल चिन्ह त्या ठिकाणी आपल्या सर्व उमेदवारांना प्रचंड बहुमतांनी विजयी करण्याचे आवाहन उपस्थितांना केले.वेळी माजी आमदार श्री. अनिकेत तटकरे, राष्ट्रवादी व शिवसेना (उबाठा गट) यांच्या युतीच्या नगराध्यक्षपदाच्या उमेदवार कु. आराधना दांडेकर, संतोष हिरवे, अजित कासार, मनोज भगत, मंगेश दांडेकर तसेच पक्षाचे नेते, पदाधिकारी व कार्यकर्ते उपस्थित होते.