खोपोली शिवसत्ता टाइम्स (खलील सुर्वे):-
मुंबई-पुणे एक्सप्रेसवेवर अपघाताची मालिका सुरूच असून मंगळवार दि.८ ऑक्टोबर रोजी सकाळच्या सुमारास खोपोली एक्झिट जवळच्या बोगद्यामध्ये,बोगद्याच्या समोर,मध्यभागी व बोगद्याच्या बाहेर असे तीन विचित्र अपघात झाल्याची माहिती सूत्रांकडून समोर आली आहे…या अपघातात अंदाजे सहा ते सात वाहने बाधित झाल्याचे समजते…
मिळालेल्या माहितीनुसार या अपघातांमधील दोन ट्रकचे केबिन दबल्याने त्यात वाहन चालक अडकले होते…या अपघाताची माहिती मिळताच अपघातग्रस्तांच्या मदतीसाठी असलेली सामाजिक संस्थेची टीम व देवदूत यंत्रणेची टीम घटनास्थळी दाखल झाली व केबिनमध्ये अडकलेल्या चालकांना सुखरूप बाहेर काढण्यात यश आले…अपघातातील जखमींना पुढील उपचारासाठी ॲम्बुलन्सच्या मदतीने रुग्णालयात पाठविण्यात आले…
या अपघाताची माहिती मिळताच अपघातग्रस्तांच्या मदतीसाठी सामाजिक संस्थेची टीम, देवदूत यंत्रणेची टीम, महामार्ग वाहतूक पोलिस यंत्रणा बोरघाट, लोकमान्य हॉस्पिटलची ॲम्बुलन्स सेवा, डेल्टा फोर्स, महाराष्ट्र सुरक्षा बल आदींनी घटनास्थळी दाखल होत अपघातग्रस्तांना मदत केली.
