श्रीवर्धन शिवसत्ता टाइम्स (आनंद जोशी):-
ज्येष्ठ साहित्यिक पद्मश्री मधु मंगेश कर्णिक यांनी स्थापन केलेल्या कोकण मराठी साहित्य परिषद या साहित्यिक संस्थेच्या रायगडमधील सोळाव्या शाखेचे उद्घाटन दि. 21 ऑक्टोबर 24 रोजी म्हसळा येथील केशवराव खांबेटे वाचनालयात मोठ्या उत्साही वातावरणात झाले.कार्यक्रमाच्या अध्यक्षस्थानी वाचनालयाचे अध्यक्ष व पत्रकार संजय खांबेटे होते.या सोहळ्यासाठी कोमसाप… रायगडचे अध्यक्ष सुधीर शेट,ज्येष्ठ लेखक,कवी रायगड भूषण प्रा.एल.बी.पाटील, जिल्हा समन्वयक अ.वि.जंगम, ज्येष्ठ साहित्यिक संजयगुंजाळ,गझलकार सिद्धेश लखमदे व साहित्य क्षेत्रातील दिग्गज मंडळी उपस्थित होती.तद्वतच श्रीवर्धन शाखेच्या अध्यक्षा सौ.सीमा रिसबूड व कार्यकारिणी सदस्यही आवर्जून उपस्थित होते. म्हसळा शाखेचे औपचारिक उद्घाटन झाल्यावर नूतन शाखेचे अध्यक्ष प्रा.माशाळे सर,सुनिल उमरोटकर,संजय गुंजाळ,सुधीर शेट,अ.वि.जंगम,प्रा.एल.बी.पाटील, सौ.सीमा रिसबूड, नंदा जोशी,अध्यक्ष संजय खांबेटे यांनी आपले साहित्य विषयक मनोगत व्यक्त केले… तर सिद्धेश लखमदे यांनी स्वतःची एक गझल सादर करुन मजा आणली.सर्व
कार्यक्रमाचे नेटके सूत्रसंचालन पत्रकार अशोक काते यांनी केले.
