रायगड शिवसत्ता टाइम्स (नरेश पाटील ) :-
विधानसभा निवडणुकीत रायगड जिल्ह्यात काँग्रेसची जर कोणी जोरदार हवा केली असेल तर ती माजी काँग्रेस आमदार स्व. मधूकर ठाकूर यांचे सुपूत्र राजाभाऊ ठाकूर यांनी… राजाभाऊंनी विधानसभेत डबल धमाका केला आहे… सोमवारी त्यांनी श्रीवर्धनमध्ये महाविकास आघाडीकडून उमेदवारी अर्ज दाखल केल्यानंतर आज मंगळवार दि. २९ ऑक्टोबर रोजी त्यांनी अलिबागमधून उमेदवारी अर्ज दाखल केला… एकाचवेळी दोन ठिकाणाहून उमेदवारी अर्ज दाखल करणारे राजाभाऊ ठाकूर हे पहिले उमेदवार आहेत… अलिबाग येथे त्यांच्यासोबत अर्ज भरताना त्यांची बहीण सौ.संजुक्ता अनुभवणे, चिरंजीव सम्राट ठाकूर, अमोल म्हात्रे उपस्थित होते…. रायगड जिल्ह्यात पैगंबरवासी बॅरिस्टर अंतुले यांच्यानंतर आमदार मधूकर ठाकुर यांनी काँग्रेस पक्षाला जिवंत ठेवले होते आणि आमदार मधूकर ठाकुर यांचे निधन झाल्यानंतर त्यांचे चिरंजीव राजेंद्र मधूकर ठाकुर उर्फ राजाभाऊ ठाकुर यांनी वडिलांचा वारसा पुढे नेत रायगड जिल्ह्यातील काँग्रेस पक्ष बळकट करण्याचे काम चालु ठेवले आहे. दरम्यान राजाभाऊ ठाकूर हे स्वर्गीय बॅरिस्टर अंतुले तसेच वडील स्वर्गीय मधूकर ठाकुर यांचे स्वप्न पूर्ण करण्यासाठी श्रीवर्धन त्याच बरोबरीने अलिबाग येथील काँग्रेस पक्षाला संजिविनी देण्यासाठी विधानसभेच्या मैदानात उतरले आहेत…
