अलिबाग शिवसत्ता टाइम्स (धनंजय कवठेकर):-
विधानसभा निवडणुकीचा प्रचार सर्वत्र जोरात सुरू आहे…सभा,गाव बैठका,आणि घरोघरी भेटी देऊन उमेदवार आणि कार्यकर्ते मतदारांना आवाहन करीत आहेत…अलिबाग-मुरुड विधानसभा मतदार संघातील अपक्ष उमेदवार दिलीप भोईर यांनी रविवारी अलिबाग शहरात पद रॅली काढून प्रचार केला…दिलीप भोईर यांनी या फेरी दरम्यान अलिबागचे माजी आमदार स्व.मधुकर ठाकूर यांच्या शितोळे आळी येथील निवास्थानी भेट देऊन मधुकर ठाकूर यांची पत्नी श्रीमती मालती ठाकूर यांचे आशीर्वाद घेतले…यावेळी ऍड प्रवीण ठाकूर यांनी श्री भोईर यांचे स्वागत केले…दिलीप भोईर यांनी या भेटीत , मी आज स्व. मधुकर ठाकूर उर्फ पप्पा यांच्या निवासस्थानी येऊन आणि झालेल्या सन्मानाने धन्य झालो. असे भावनिक उद्गार काढले. स्व. मधुकर ठाकूर यांच्या सोबतच्या आठवणीना उजाळा दिला. यावेळी दिलीप भोईर यांचे समर्थक मोठ्या संख्येने या रॅलीत त्यांच्याबरोबर सहभागी झाले होते.
