अलिबाग शिवसत्ता टाइम्स (धनंजय कवठेकर):-
राज्याच्या भविष्याचा निकाल आज आहे…पुढच्या पाच वर्षांसाठी राज्याच्या तिजोरीच्या चाव्या कुणाच्या हाती जाणार? राज्याचा गाडा कोण हाकणार? याचा निकाल आज स्पष्ट होणार आहे. राज्यात यंदा महायुती विरुद्ध महाविकास आघाडी अशी लढत पाहायला मिळाली होती. अशातच आजच्या निवडणूक निकालांमध्ये कोण बाजी मारणार? हे पाहणं महत्त्वाचं ठरणार आहे…रायगड जिल्ह्यातील जिल्हा क्रीडा संकुल नेहुली-खंडाळे येथे सकाळी ८ वाजल्यापासून मतमोजणीला सुरुवात झाली आहे. मतमोजणीसाठी येथे टेबलची संख्या १४ आहे. मतमोजणीच्या एकूण फेऱ्यांची संख्या २७ आहे. मतमोजणी पर्यवेक्षक २४, मतमोजणी सहाय्यक ३०, मतमोजणी सूक्ष्म निरीक्षक १७, इतर पथकातील अधिकारी (वर्ग-२) ३०, इतर पथकातील अधिकारी (वर्ग-३) १७५, चतुर्थ श्रेणी कर्मचारी ८० असणार असे सुमारे ३५० कर्मचारी असणार आहेत….
