महाड शिवसत्ता टाइम्स (रेश्मा माने):-
विधानसभा निवडणुका पार पडल्या असून सकाळी ८ वाजल्यापासून मतमोजणीला सुरुवात झाली आहे… रायगड जिल्ह्यातील महाड तालुक्यातील लढत ही अटीतटीची झाली होती… या निवडणुकीकडे सर्वांचेच लक्ष लागून राहिले आहे… माणिकराव जगतापांच्या कन्या स्नेहल जगताप तसेच शिवसेना प्रतोद नेते भरत गोगावले हे महाड पोलादपूर या मतदारसंघातून निवडणुकीच्या रिंगणात होते… महाड मध्ये कोणाचं पारडं जड राहणार हे आजच्या निकालात स्पष्ट होणार आहे… मतमोजणीच्या ठिकाणी पोलिसांचा कडेकोट बंदोबस्त असून कोणताही अनुचित प्रकार घडू नये यावर पोलीस यंत्रणा लक्ष देऊन आहेत…194-महाड भारतरत्न डॉ. बाबासाहेब आंबेडकर राष्ट्रीय स्मारक, महाड बहुउद्देशीय सभागृह येथे मतमोजणीला सुरुवात झाली असून मतमोजणीसाठी टेबलची संख्या 14 आहे तर मतमोजणीच्या एकूण फेऱ्यांची संख्या 28 आहे… महाडमधून पहिली फेरी पूर्ण झाली आहे… पहिल्या फेरीत भरत गोगावले 713 मतांची आघाडी आहे… दुसरी फेरी देखील पूर्ण झाली आहे… दुसऱ्या फेरीत देखील भरत गोगावले 2105 मतांनी आघाडीवर आहेत…तिसऱ्या फेरीत देखील 2548 मतांनी भरतशेठ गोगावले आघाडीवर आहेत …
