पेण शिवसत्ता टाइम्स (देवा पेरवी):-
पेण तालुक्यातील दादर सागरी पोलीस स्टेशनमधील महिला कर्मचारी बंदूक साफ करताना अचानक गोळी सुटल्याने जखमी झाली आहे…पोलीस स्टेशनमध्ये बंदूक साफ करत असताना पायाला गोळी लागल्याने नूतन लाड या जखमी झाल्या…त्यांना उपचारार्थ उपजिल्हा रुग्णालय पेण येथे दाखल करण्यात आले आहे…याबाबत सविस्तर घटना अशी की, दादर सागरी पोलीस स्टेशनमधील महिला पोलीस कर्मचारी नूतन रामचंद्र लाड या पोलीस स्टेशनमध्येच बंदूक साफ (सर्व्हिसिंग) करत असताना अचानक बंदुकीची गोळी सुटली…सदर गोळी ही नूतन लाड यांच्या पायाला घासून गेल्याने त्या जखमी झाल्या. त्यांना लगेच पेण येथील उपजिल्हा रुग्णालयात दाखल करण्यात आले. मात्र नंतर त्यांना अधिक उपचारासाठी खाजगी रुग्णालयात दाखल केले. सध्या त्यांची प्रकृती स्थिर असल्याचे कळते…सदर घटना घडल्याचे समजताच पोलीस अधीक्षक सोमनाथ घार्गे, उपविभागीय पोलीस अधिकारी गजानन टोम्पे, दादर सागरी प्रभारी अधिकारी नागेश कदम आदींनी तात्काळ भेट दिली…