खोपोली शिवसत्ता टाइम्स (खलील सुर्वे):-
5 महाराष्ट्र गर्ल्स बटालियन मुंबई ग्रुप A यांनी आयोजित केलेल्या राज्यस्तरीय कॅम्प व त्या अनुषंगाने घेण्यात आलेल्या राज्यस्तरीय स्पर्धेमध्ये खोपोली येथील केएमसी (KMC) कॉलेजच्या एनसीसी कॅडेट यांनी कॅप्टन शितल गायकवाड यांच्या मार्गदर्शनाखाली सहभाग घेत एक मोठे यश मिळवले आहे.या यशाने कॅडेटच्या शिस्तबद्धता,नेतृत्व आणि देशभक्तीच्या भावनांवर प्रकाश पडला आहे.एनसीसी कॅडेटच्या या राज्यस्तरीय कॅम्पमध्ये केएमसी एनसीसी कॅडेटने प्रथम क्रमांक पटकाविला आहे.
दरम्यान, एनसीसी कॅडेटचा राज्यस्तरीय कॅम्पमध्ये प्रथम क्रमांक मिळविणे हे केवळ एक यश नाही, तर ते विद्यार्थ्यांच्या विकासासाठी एक प्रेरणादायी उदाहरण आहे,जे त्यांच्यात शिस्त,नेतृत्व आणि देशभक्तीच्या भावना वाढवते जो एनसीसी (NCC) च्या मुख्य मूल्यांपैकी एक आहे. एनसीसी आत्मविश्वास, शिस्त, जबाबदारी आणि स्वावलंबन यासारखे गुण जोपासते,जे कॅडेटच्या व्यक्तिमत्त्वाला आकार देण्यात महत्त्वाची भूमिका बजावतात,अशी प्रतिक्रिया कॅप्टन शितल गायकवाड यांनी व्यक्त केली.
या सर्व स्पर्धेमध्ये प्रथम क्रमांक मिळवून केएमसी (KMC) कॉलेजचे नाव उज्वल केले आहे. 2025 – 26 मध्ये ठाकूर कॉलेज (THAKUR COLLEGE) येथे नुकत्याच झालेल्या सीएटीसी (CATC) व टीएससी (TSC) या राज्यस्तरीय कॅम्पमध्ये कॅप्टन शितल गायकवाड या स्वतः विद्यार्थ्यांना घेऊन गेल्या व स्पर्धेमध्ये सीजीटी (SGT)कृष्णाई महाडिक हिने सोलो नृत्यमध्ये प्रथम पारितोषिक मिळवले.कॅप्टन शितल गायकवाड यांच्या मार्गदर्शनाखाली कराटे डेमोस्टेशन सुद्धा सादर करण्यात आले.
यामध्ये सीजीटी (SGT) कृष्णाई महाडिक,सीपीएल (CPL) आदिनी गंभीर, सिडीटी (CDT) शिंदे, श्रेया गुरव या कराटे स्टुडंट्सने सहभाग घेतला.क्रिडा स्पर्धांमध्ये सीडीटी (CDT) अस्मिता रिंगे, सीडीटी (CDT) रेश्मा गोरे, सीडीटी (CDT) पुजा जाधव, सीडीटी (CDT) वनिता चांगले, सीडीटी (CDT) आर्या धुमाळ, सीडीटी (CDT) श्रेया गुरव,सीडीटी (CDT) प्रतीक्षा शिंदे, सीडीटी (CDT) सिमा राम या सर्व कॅडेटसने पहिला क्रमांक प्राप्त केला. ग्रुप डान्स (group dance) मध्ये सुद्धा प्रथम पारितोषिक मिळविले. यात सीजीटी कृष्णाई महाडिक, सीपीएल आदिनी गंभीर, एलसीपीएल (LCPL) संजना जोशी, एलसीपीएल (LCPL) मयूरी जाधव, सीडीटी (CDT) श्रद्धा बागल, सीडीटी (CDT) रेश्मा गोरे, सीडीटी (CDT) आसिया मनियार, सीडीटी (CDT) सलोनी चव्हाण, सीडीटी (CDT) पायल मंडल, सीडीटी (CDT) शिंदे, सीडीटी (CDT) ऐश्वर्या वालगुंडे, सीडीटी (CDT) सिद्धिका कोंडे, सीडीटी (CDT) शालिनी पवार यांचा समावेश होता. या सर्व एनसीसी कॅडेटचे केटीएसपी (KTSP) मंडल अध्यक्ष संतोष जंगम, सेक्रेटरी किशोर पाटील, केएमसी (KMC) कॉलेजचे अध्यक्ष दिलीप पोरवाल, केटीएसपी मंडल सदस्य व केएमसी कॉलेजचे प्राचार्य दयानंद गायकवाड आदींनी गुलाब पुष्प देवून सत्कार केले व कौतुकाची थाप दिली.