चौक शिवसत्ता टाइम्स (अर्जुन कदम) :-
ग्रुप ग्रामपंचायत चौकच्या उपसरपंचपदी भारतीय जनता पक्षाच्या सौ. पूजा जगदीश हातमोडे यांची बिनविरोध निवड झाल्याने त्यांच्यावर अभिनंदनाचा वर्षाव होत आहे….
खालापूर तालुक्यातील सर्वात मोठी ग्रामपंचायत म्हणून चौक ग्रामपंचायतीचा उल्लेख होतो…. राजकारण, अर्थकारण आणि विकासाच्या मार्गावर असलेली ही ग्रामपंचायत आहे…. उपसरपंच सुभाष पवार यांनी आपल्या उपसरपंच पदाचा राजीनामा दिल्याने रिक्त झालेल्या उपसरपंच पदाची निवडणूक सरपंच रितू ठोंबरे यांच्या अध्यक्षतेखाली झाली… १७ सदस्य असलेली ग्राम पंचायतीमध्ये सौ.पूजा जगदीश हातमोडे यांचा एकमेव उपसरपंच पदाचा अर्ज दाखल झाला…. दुपारी निवडणूक निर्णय अधिकारी तथा सरपंच रितू ठोंबरे यांच्या अध्यक्षतेखाली सभा सुरू झाली असता, एकमेव अर्ज आल्याने त्यांना बिनविरोध निवड झाल्याचे जाहीर करून त्यांचा शाल श्रीफळ व पुष्पगुच्छ देऊन सत्कार करण्यात आला आणि पुढील कार्यासाठी शुभेच्छा देण्यात आल्या… यावेळी निवडणूक मदतनीस म्हणून ग्रामपंचायत अधिकारी गणेश मोरे यांनी कामकाज पाहिले…. सौ.पूजा हातमोडे यांची बिनविरोध निवड झाल्याचे जाहीर झाल्यावर फटाक्यांची आतिषबाजी करण्यात आली…. यावेळी भारतीय जनता पक्षाचे उपाध्यक्ष सुधीर ठोंबरे, खालापूर मंडळ अध्यक्ष प्रवीण मोरे, माजी जिल्हा परिषद सदस्य मोतीराम ठोंबरे, ग्राम पंचायत प्रमुख जगदीश हातमोडे, सरपंच सुहास कदम, जेष्ठ नेते सुनील गायकवाड, माजी उप सरपंच सचिन मते, नंदू हातमोडे, रामदास काईनकर, पिंट्या राणे यांच्यासह सदस्य ॲड.रीना सोनटक्के, नैना झिंगे, स्वाती देशमुख, सौ.दबके, अनुसया वाघ, नितीन मालुसरे, सुभाष पवार यांच्यासह अनेक मान्यवर व कार्यकर्ते मोठ्या संख्येने उपस्थित होते…. यावेळी नवनियुक्त उप सरपंच सौ. पूजा हातमोडे यांनी त्यांची बिनविरोध निवड केल्याने सर्वांचे आभार व्यक्त करून भविष्यात ग्रामपंचायतीच्या विकासकामात सहकार्य करण्याचे आवाहन केले….