पनवेल शिवसत्ता टाइम्स (वार्ताहर):-
पनवेल महानगरपालिकेअंतर्गत येणाऱ्या खारघर शहराला स्मार्ट सिटीचा दर्जा मिळाला असला तरी प्रत्यक्षात मात्र शहरातील रस्त्यांची दुरवस्था झाली आहे.मुख्य रस्त्यांवर जागोजागी पडलेले खड्डे आणि नुकतेच केलेले डांबरीकरण वाहून गेले असून, केवळ १५ दिवसांतच रस्त्यांची चाळण झाली आहे.या घटनेमुळे महापालिकेतील ठेकेदार आणि प्रशासकीय यंत्रणेच्या भ्रष्टाचारावर बोट ठेवले जात असून,महापालिका कोट्यवधींच्या निविदा रस्ते बांधण्यासाठी काढते की खड्डे पाडण्यासाठी?” असा संतप्त सवाल आता खारघरकर आणि पनवेलवासीय करत आहेत. या पार्श्वभूमीवर शिवसेना जिल्हाप्रमुख श्री. शिरीष दादा घरत यांच्या नेतृत्वाखाली तसेच शिवसेना महानगर प्रमुख अवचित राऊत यांच्या आयोजनातून,खड्डेमय खारघर या रस्त्यांच्या दुरवस्था विरोधात आंदोलन छेडण्यात आले.आंदोलनाच्या माध्यमातून खड्ड्यांमध्ये झाडे लावून ठेकेदार व प्रशासनाच्या निष्क्रियतेचा निषेध करण्यात आला.या अनोख्या आंदोलनाने परिसरातील नागरिकांचे लक्ष वेधले असून, स्मार्ट सिटीच्या नावाखाली सुरु असलेला “स्मार्ट भ्रष्टाचार” आता उघड झाला आहे, असा आरोप शिवसेनेने केला आहे. तसेच, दोषी ठेकेदारांवर कठोर कारवाई करण्याची मागणीही यावेळी करण्यात आली…
यावेळी समन्वयक दिपक घरत,उपमहानगर प्रमुख रामदास गोंधळी,खारघर शहरप्रमुख गुरु म्हात्रे,शहर प्रमुख यतीन देशमुख,सदानंद शिर्के,प्रवीण जाधव,विभाग संघटक रामचंद्र देवरे ,युवासेना शहर अधिकारी निखिल पानमंद,अभिजीत ओझा,अश्विन ससाणे ,रोहीत बालगुडे , संतोष टाकावले ,सिद्देश गुरव, निखिल पाटील, शाखाप्रमुख संतोष शिंदे,महिला आघाडी उपजिल्हा संघटिका सौ, रेवती सकपाळ, शहर संघटिका सौ. संगीता राऊत,सौ.नंदा चेडे यांच्यासह शिवसेना पदाधिकारी,महिला आघाडी पदाधिकारी,युवासेना पदाधिकारी मोठ्या संख्येने उपस्थित होते.