पनवेल शिवसत्ता टाइम्स (दिपक कांबळे):-
‘टाईमपास’ फेम मलेरिया दादूस अर्थात अभिनेता जयेश चंद्रकांत चव्हाण यांचं स्वप्न साकार; नवीन घरात गृहप्रवेश करताच शुभेच्छांचा वर्षाव…मराठी चित्रपटसृष्टीतील लोकप्रिय अभिनेता जयेश चंद्रकांत चव्हाण, म्हणजेच ‘टाईमपास’ चित्रपटातील प्रेक्षकांच्या मनात घर करणारा मलेरिया दादूस, यांनी नुकताच त्यांच्या पनवेल मधील नवीन घराबद्दल सोशल मीडियावर पोस्ट शेअर केली आहे.
जयेश यांनी आपल्या अधिकृत अकाऊंटवर घराच्या प्रवेशद्वारासमोर उभं राहून घेतलेला फोटो शेअर करत, “हि वास्तु नाही, आमच्या स्वप्नांचा पहिला Take आहे.” असं भावनिक कॅप्शन लिहिलं आहे.या पोस्टनंतर काही क्षणातच चाहत्यांकडून शुभेच्छांचा वर्षाव झाला.
जयेश चंद्रकांत चव्हाण हे अल्पावधीतच मराठी मनोरंजनविश्वात आपल्या अभिनय कौशल्यामुळे स्वतःच वेगळं स्थान निर्माण केलं आहे. त्यांची साधी, प्रामाणिक आणि मेहनती वृत्ती प्रेक्षकांना भावते. त्यांच्या या नवीन घरामुळे त्यांच्या आयुष्यात एक नवीन पर्व सुरू झालं असून, चाहत्यांनी त्यांना पुढील वाटचालीसाठी भरभरून शुभेच्छा दिल्या आहेत…