चौक शिवसत्ता टाइम्स (अर्जुन कदम):
गणपती बाप्पा मोरया,पुढच्या वर्षी लवकर या…असा जयजयकार करत ढोल-ताशांच्या गजरात आणि गुलालाची उधळण करत लाडक्या बाप्पाला निरोप दिला…गेले दहा दिवस मोठ्या भक्तीभावाने गणपती बाप्पाची पूजा करणाऱ्या सर्वच गणेशभक्तांचे डोळे विसर्जनावेळी पाणावले होते …पुढच्या वर्षी लवकर या…असे साकडे घालत गणरायाला निरोप दिला…अनंत चतुर्थीदशीनिमित्त रायगड जिल्ह्यातील चौक परिसरातील आदर्श मित्र कोल्हापूर पेठ यांचा आदर्श राजा, वैश समाज यांचा चौकचा राजा आणि संजय कोंडीलकर या तीन गणरायांना साश्रू नयनांनी,ढोल ताशांच्या गजरात सायंकाळी उशिरा निरोप देण्यात आला…अतिशय उत्साही वातावरणात शांततेत व शासकीय नियम पाळून पोलिसांना सहकार्य करत संपूर्ण बाजारपेठेतून गणरायांची मिरवणूक काढण्यात आली…यावेळी खालापूर तालुक्यातील ऐतिहासिक चौक गावातील आदर्श मित्र मंडळ कोल्हापूर पेठ यांच्या गणपतीला महाआरतीने, ढोल ताशांच्या गजरात निरोप देण्यात आला…दरवर्षी गणेशोत्सवानिमित्त आदर्श मित्र मंडळ हे अनेक सामाजिक उपक्रम राबवित असते… या दहा दिवसांच्या काळात देखील शासकीय योजनांची माहिती, लोकोपयोगी उपक्रम राबविण्यात आले… निरोप देण्यापूर्वी महाआरतीचा मान खालापूरचे वरीष्ठ पोलीस निरीक्षक सचिन पवार व उद्योजक राजेंद्र अगरवाल यांना देण्यात आला… यावेळी उपस्थित मान्यवरांचा सत्कार करण्यात आला…
