रोहा शिवसत्ता टाइम्स (अक्षय जाधव):
रोहा तालुक्यात खासदार सुनील तटकरे यांच्या विकसकामांचा धुमधडाका जोरात सुरू आहे…गेल्या अनेक वर्षांपासून रखडलेली कामे खासदार सुनील तटकरे यांनी पूर्ण केल्याने ग्रामस्थांमध्ये एकच उत्साह आला आहे… ग्रुप-ग्रामपंचायत वरसे हद्दीतील विविध विकासकामांचे भूमिपूजन व उद्घाटन शुक्रवार दि.२० सप्टेंबर रोजी खासदार सुनिल तटकरे यांच्याहस्ते मोठ्या उत्साहात पार पडला…वरसे बस स्टॉप व वरसे गावा अंतर्गत रस्त्याचे उद्घाटन निवी अंतर्गत गटार व रस्ता तयार करणे हे भूमिपूजन समारंभ, शिवलकर ते देशमुख यांच्या घरापर्यंत रस्ता तयार करणे, दीपक पाटील ते थळे व घाणेकर रस्ता तयार करणे, वैभव नगर अंतर्गत गटावर तयार करणे, राम करंजे ते वैरागी मिल गटार बांधणे, वरसे ग्रामपंचायत अंतर्गत सीसीटीव्ही कॅमेरे बसविणे, एकता नगर भुवनेश्वर गार्डन भिंत उद्घाटन, कै मारुती भिकू पाटील सभागृह सुशोभीकरण, निरलोन कॉलनी ते शंकर मंदिर रस्ता तयार करणे , घाणेकर ते शेटके रस्ता तयार करणे, सदासयोग लक्ष्मी मंदिर सुशोभीकरण,रंगतरंग ते वळसे पोस्ट ऑफिस पर्यंत रस्ता करणे अशी अनेक विकासकामांचे उदघाटन खासदार सुनिल तटकरे यांच्याहस्ते करण्यात आले…
यावेळी तटकरे यांनी उपस्थितीत नागरिकांना मार्गदर्शन करताना सांगितले की, वरसेमध्ये राज्य शासनाच्या नवनवीन उपाय योजनामुळे पाच ते सहा माळ्याच्या इमारती दिसल्यामुळे वस्ती सुद्धा तेवढ्याच प्रमाणात वाढत आहे…मुख्यतः वरसेमधील पायाभूत सुविधांसाठी लागणारा निधी माझ्या माध्यमातून, आमदार अनिकेत तटकरे , मंत्री अदिती तटकरे तसेच मधुकरराव पाटील व इतर सहकाऱ्यांचा पाठपुरावा करुन निधी सहज उपलब्ध झाल्यामुळे येथील विकास कामे झपाट्याने झाली. उद्योग मंत्री उदय सामंत यांनी माझ्या विनंतीला मान देऊन धाटाव, वाशी, तळाघर व वरसे येथे अनेक विकास कामे केली जात आहे. वरसे परिसरातील नागरिकांशी गेल्या अनेक वर्षापासून ऋणानुबंध आहेत…त्यामुळे येथील नागरिकांनी एखाद्या नेतृत्वाला तालुकास्तरावर तसेच जिल्हास्तरावर भक्कम साथ दिली तर निश्चित त्या विभागाचा विकास होईल… याचा प्रत्यय वरसेमधील सुजाण नागरीक अनुभवत आहेत…असे खा. तटकरे यांनी वरसे येथील कार्यक्रम प्रसंगी प्रतिपादन केले…
या कार्यक्रमाला राष्ट्रवादी काँग्रेस पक्षाचे रोहा तालुका अध्यक्ष विनोद भाऊ पाशिलकर सरपंच अमित मोहिते , नरेश पाटील , रामचंद्र नाकती, दिपीका ताई चिपळूणकर, प्रतिमा ताई पाटिल,शकंर भगत,अनिल भगत यांसह राष्ट्रवादी काँग्रेसचे पदाधिकारी व कार्यकर्ते तसेच ग्रामस्थ उपस्थित होते…
