अलिबाग शिवसत्ता टाइम्स (अमूलकुमार जैन) :-
रायगड जिल्ह्यातील वडखळ पोयनाड राज्य महामार्गावर असणाऱ्या धरमतर पुलनजिक मोटर सायकल आणि डंपर यांच्यात भीषण अपघात झालाय…अपघातात मनोज गणेश नाईक वय वर्ष 22 म्हात्रोली आदिवासीवाडी हा मृत झाला असून दीपक नामदेव नाईक ,गणेश यशवंत वाघमारे (म्हात्रोली आदिवासी वाडी, अलिबाग, रायगड)हे जखमी झाले आहे…
याबाबत सविस्तर माहिती अशी की, दि 1ऑक्टोबर 2024 रोजी अंदाजे सायंकाळी साडे सहा वाजण्याच्या सुमारास मृत मनोज गणेश नाईक हा त्याच्या दोन सहकारी दीपक नामदेव नाईक ,गणेश यशवंत वाघमारे यांच्या समवेत मोटर सायकलवरून वडखळ बाजूकडून पोयनाड बाजूकडे येत असताना अलिबाग तालुक्यातील पोयनाड पोलिस स्टेशन हद्दीतील धरमतर पुलनजिक समोरून येणाऱ्या डंपरच्या समोरच्या भागात मोटर सायकल जावून भीषण अपघात झाला.या अपघातात मनोज गणेश नाईक (वय 22 म्हात्रोली आदिवासी वाडी )हा जागीच मयत झाला असून दीपक नामदेव नाईक ,गणेश यशवंत वाघमारे जखमी झाल्याने त्यांना वडखळ येथील संजीवनी रुग्णालयात दाखल करण्यात आले आहे.
या अपघाताची माहिती मिळताच पोयनाड पोलिस ठाण्याचे कर्मचारी घटनास्थळी पोहचले… पोलिस शिपाई समीर म्हात्रे यांनी मृत मनोज गणेश नाईक याचा मृतदेह घेवुन शवविच्छेदनासाठी अलिबाग येथील जिल्हा रुग्णालयात आणला आहे…या घटनेचा अधिक तपास सहाय्यक पोलिस निरीक्षक संतोष दराडे यांच्या मार्गदर्शनाखाली सुरू आहे…
