रसायनी शिवसत्ता टाइम्स (आनंद पवार):-
उरण विधानसभा मतदारसंघाचे उमेदवार माजी आमदार मनोहरशेठ भोईर व शेकापक्षाचे उमेदवार प्रीतम दादा म्हात्रे यांचा प्रचाराचा नारळ फोडण्यासाठी दांड फाटा येथील जागृत असलेल्या टाकेदेवी मंदिर येथे सकाळी दहा वाजता महाविकास आघाडीचे सर्व पदाधिकारी कार्यकर्ते मोठ्या संख्येने जमले होते.याच दरम्यान शेकापक्षाचे उमेदवार प्रीतम म्हात्रे यांचेही पदाधिकारी कार्यकर्ते मोठ्या संख्येने सहभागी झाले होते…महाविकास आघाडी व शेकापक्षाचे पदाधिकारी कार्यकर्ते एकत्रित आल्याने दोन्ही बाजूकडून आमचा उमेदवार निवडून येईल अशी खात्री देत व घोषणाबाजी करत प्रचाराला सुरुवात करण्यात आली…वासंबे जिल्हा परिषद वार्डमध्ये प्रचाराचा शुभारंभ व मतदारांच्या गाठीभेटी घेण्यात आल्या.विशेष म्हणजे प्रचाराचे नारळ फोडण्यासाठी महाविकास आघाडीचे उमेदवार माजी आमदार मनोहरशेठ भोईर यांच्या सुविद्य पत्नी मालती मनोहर भोईर तसेच शेकापक्षाचे उमेदवार युवा नेतृत्व प्रीतमशेठ म्हात्रे यांच्या सुविद्य पत्नी ममता प्रीतम म्हात्रे यांनी आपल्या असंख्य पदाधिकारी व कार्यकर्त्यांच्या समवेत एकाच दिवशी प्रचाराचा नारळ फोडून मतदारसंघात गाठीभेटी घेऊन प्रचाराला सुरुवात केली आहे…
