उरण शिवसत्ता टाइम्स (प्रविण पाटील):-
यशश्री शिंदे प्रकरणामधून उरणकर सावरत नाहीच तोच उरण मोरा फड नंबर ५ मध्ये वास्तव्यास असणाऱ्या ३ वर्षाच्या चिमुरडीवर तिच्या शेजारी राहणाऱ्या नराधमाने लैंगिक अत्याचार केल्याच्या घटनेने संपूर्ण उरण हादरून गेले आहे…. लैंगिक अत्याचार करणाऱ्या आरोपीला कठोरात कठोर शिक्षा व्हावी अशी मागणी उरणच्या नागरिकांमधून होत असून, सदरची घटना उरण मोरा येथील फड नंबर ५ मोहन स्टोअर्स, सिंडीकेट बँकेच्या जवळील डोंगरावर असणाऱ्या झोपडपट्टी परिसरात घडली आहे…
सदर घटनेची माहिती मुलीच्या आईने मोरा सागरी पोलीस ठाण्यात फिर्याद दिली आहे…याबाबत सविस्तर वृत्त असे की, माझे पती, दोन मुलगे आणि ३ वर्षाची मुलगी व सासरे असा परिवार एकत्रितपणे राहतो… १३ जानेवारी २०२५ रोजी मी मुलीला शेजारच्या अंगणवाडीत सकाळी ११ वाजण्याच्या सुमारास सोडली व दुपारी १ वाजता तिला घरी आणले असल्याचे तिने आपल्या फिर्यादीमध्ये नोंदविले आहे… मुलीची आई घरातील कपडे धुण्याकरीता घरात गेली परंतु मुलगी अंगणात खेळण्यासाठी जाण्याकरिता रडू लागली… ती बाहेर जाऊ नये म्हणून दाराला कडी कोयंडा आणि प्लायवुड लाऊन अडकून ठेवले… मुलगी जोरजोरात का रडते त्यामुळे त्यांचा शेजारी राहणारा दिनेश नितेकर वय वर्ष ५० हा तिथे आला व मुलगी रडण्याचे कारण त्यांनी विचारले व मुलीला त्यांनी खेळण्यासाठी अंगणात सोडले… काही वेळात आई काम आटपून आली… अंगणात मुलगी दिसत नाही पाहून तिने दिनेश नितेकर याला मुली संदर्भात विचारण केली असता मुलगी गल्लीत खेळत असल्याचे त्याने सांगितले… आईने गल्लीत शोध घेतला परंतु मुलगी दिसत नसल्याने तिने दिनेश नितेकर यास पुन्हा विचारणा केली असता मुलगी बाथरूमच्या दरवाजाजवळ असल्याचे त्यांनी सांगितले… आई मुलीला आणण्यासाठी गेली असता मुलगी घाबरून आईला कवटाळून जोरजोरात रडू लागली… आईने उचलून तिला घरी आणले. तिला ताप भरला म्हणून उरणमधील अभिनव चाईल्ड केअर क्लिनिकमध्ये नेले असता तेथील डॉ.अजय कोळी यानी तापावर औषध देऊन घरी जाण्यास सांगितले… परंतु तीन दिवसानंतरही ताप उतरला नाही तेव्हा मुलीने आईला सांगितले कि दिनेश काकाने माझ्या लघवीच्या जागी हात लावल्याचे सांगितले… त्यामुळे मुलीला उरणमधील गाडे हॉस्पिटलमध्ये नेले असता डॉ. प्रीती गाडे यांनी तिची पूर्ण तपासणी करून गुप्त अंगावर जखमा असल्याचे लेखी पत्र दिले… त्यानंतर आईच्या पाया खालची वाळू सरकली. तिने थेट मोरा सागरी पोलीस ठाणे गाठून याबाबत दिनेश नितेकर याच्या विरोधात फिर्याद नोंदवली…आरोपीस पोलिसांनी अटक करुन ताब्यात घेतले आहे…
मोरा सागरी पोलीस ठाण्यात भारतीय न्याय संहिता २०२३ कलम ६२ (२), बालकांचे लैंगिक अपराधापासून संरक्षण अधिनियम २०१३ कलम ४, बालकांचे लैंगिक अपराधापासून संरक्षण अधिनियम २०१२ कलम ६ प्रमाणे गुन्हा दाखल करण्यात आला आहे… या संदर्भात मोरा सागरी पोलीस ठाण्याचे पोलीस अधिक तपास करीत आहेत…