पेण शिवसत्ता टाइम्स(वार्ताहर):-
एकात्मिक बालविकास सेवा योजने अंतर्गत वडखळ ग्रामपंचायत हद्दीतील अंगणवाडी क्र. 03 मध्ये ६ महिने ते ३ वर्षे वयोगटातील बालकांकरीता घरपोच वाटप होणाऱ्या मल्टी मिक्स सिरीयल्स अँण्ड प्रोटीन्स खाऊच्या पॅकेटमध्ये मेलेला उंदीर आढळून आला आहे… यामुळे लहान मुलांच्या आरोग्याचा प्रश्न निर्माण झाला आहे…. रायगड जिल्ह्यातील पेण तालुक्यात ही घटना घडली असून, महिला व बालविकास मंत्री आदीतीताई तटकरे यांनी या घटनेची दखल घेऊन सदर वितरण करण्यात आलेल्या या खाऊच्या वाटपाबाबत चौकशी करून संबंधितांवर कारवाई करतील का? याकडे लक्ष लागून राहिले आहे…. सदर घटनेमुळे मोठी खळबळ उडाली आहे….
याबाबत सविस्तर वृत्त असे की, एकात्मिक बालविकास सेवा योजने अंतर्गत वडखळ ग्रामपंचायत कार्यालयासमोर तीन अंगणवाड्या असून त्यातील अंगणवाडी क्र. 03 मध्ये ६ महिने ते ३ वर्षे वयोगटातील बालकांकरीता घरपोच वाटप करण्यासाठी येणारे मल्टी मिक्स सिरीयल्स अँण्ड प्रोटीन्सचे बैच नं MMCC 1351P, उत्पादन दि. ५/०१/२०२५ या पाकिटामधील खाऊमध्ये मेलेला उंदीर आढळून आल्याचे अंगणवाडी सेविका यांच्या लक्षात आल्याने मोठा बाका प्रसंग टळला आहे… सदर घटनेची खबर मिळताच नुकताच गटविकास अधिकारी म्हणून पदभार स्वीकारलेल्या सोनल सूर्यवंशी यांनी सदर ठिकाणी भेट देऊन माहिती घेतली तसेच एकात्मिक बाल विकास सेवा योजनेचे अधिकारी प्रमोद पाटील यांनीही घटनास्थळी भेट देऊन पाहणी केली….