रायगड शिवसत्ता टाइम्स (धम्मशील सावंत):-
रायगड जिल्ह्यात तब्बल चार दशकाहून अधिक काळ कामगार चळवळ, शेतकरी व सामाजिक चळवळ, स्थानिक प्रकल्पग्रस्त व भूमिपुत्र यांच्या लढ्यात सक्रिय सहभाग घेणारे कामगार नेते, कॉम्रेड भूषण पाटील यांनी कामगार चळवळीची आजची दिशा व दशा, नवी मुंबई आंतरराष्ट्रीय विमानतळाला लोकनेते दि.बा.पाटील यांचे नाव देण्यास विलंब यावर माध्यमांशी बोलताना रोखठोक भाष्य केले आहे. भूषण पाटील पुढे म्हणाले की आज नव्याने कामगार कायद्यात अतिवेगाने होत असलेले बदल, नवे जाचक अटी शर्ती लादणारे धोरण यामुळे कष्टकरी कामगार गुलामगिरीच्या खाईत लोटले जात आहेत, देशातील कामगार असुरक्षित व असंघटित होत आहेत. अस पाटील म्हणाले. बडे भांडवलदार व ठरावीक मालकांना लाभदायक ठरणारेच धोरण राज्य व केंद्र सरकार राबवतेय हे घातक असल्याचे परखड मत ज्येष्ठ कामगार नेते भूषण पाटील यांनी व्यक्त केले. याचवेळी नवी मुंबई आंतरराष्ट्रीय विमानतळाला लवकरात लवकर प्रकल्प ग्रस्तांचे भाग्यविधाते लोकनेते दि.बा.पाटील यांचे ना द्यावे, अन्यथा जनतेतून मोठा उद्रेक होईल असा इशारा पाटील यांनी दिला आहे. कामगार नेते भूषण पाटील यांच्याशी खास बातचीत केली आहे