नेरळ शिवसत्ता टाइम्स (संदेश साळुंके):-
१५ ऑगस्ट स्वातंत्र्य दिनानिमित्त नेरळ व्यापारी फेडरेशनतर्फे आज नेरळ चावडी नाक्याजवळ रक्तदान शिबिराचे आयोजन करण्यात आले. स्थानिक व्यापारी, नागरिक आणि तरुणांनी उत्स्फूर्त सहभाग नोंदवत [सकाळी 8 ते 10.30] पर्यंत १५ पिशव्या रक्तदान केले. ज्येष्ठ नागरिक भाई देसाई यांनी सांगितले की, रक्तदान हेच खरे जीवनदान असून समाजहितासाठी अशा उपक्रमांची गरज आहे.या शिबिरात सहभागी झालेल्या रक्तदात्यांना प्रमाणपत्र व रक्तदान कार्ड आणि अल्पोपहार देण्यात आला.