चौक शिवसत्ता टाइम्स (अर्जुन कदम):-
काल गौरी मातेचे आगमन झाल्यावर सायंकाळी गौरी मातेला सजविण्यात आले, दागदागिने घालून, ओटी भरून तिची आरती करण्यात आली.भाजी भाकरी, मिष्ठान्न यांचा नैवद्य दाखविण्यात आला.अनेक ठिकाणी गौरी पूजनाच्या दिवशी ओवसा भरण्याची पद्धत असते. ओवसा म्हणजे गौरीला ओवाळण या परंपरेद्वारे घरातील सुनेला व लग्नानंतर पहिल्यांदा माहेर वाशिनी हिला मान सन्मान दिला जातो… त्यांना त्यांच्या आवडीच्या भेटवस्तू अथवा पैसेही दिले जातात.गौरीचा ओवसा हा सौभाग्य, सुबत्ता आणि कुटुंबाच्या समृद्धीसाठी विवाहित स्त्रियांकडून केला जाणारा एक महत्त्वाचा विधी आहे, विशेषतः कोकण आणि महाराष्ट्राच्या काही भागांमध्ये हा विधी नववधूसाठी पहिल्यांदा करताना महत्त्वाचा मानला जातो. या विधीतून देवी गौरीचा आदर केला जातो आणि तिच्या कृपेने घरात आनंद व संपन्नता यावी, अशी प्रार्थना केली जाते.
ओवसा हा विवाहित महिलांसाठी एक सौभाग्य व्रत मानला जातो, ज्यामध्ये सौभाग्य आणि पतीच्या दीर्घायुष्यासाठी प्रार्थना केली जाते. या विधीद्वारे घरात धन, धान्य आणि सुबत्ता यावी अशी मागणी केली जाते. कोकणात ही परंपरा आहे की, लग्नानंतरच्या ज्या वर्षी पूर्वा नक्षत्रावर गौरी येतात, त्या वर्षी घरातील नववधूचा पहिला ओवसा करतात. हा ओवसा तिच्या नवीन जीवनासाठी महत्त्वाचा मानला जातो. गौरीला प्रजननक्षमतेची देवी मानले जाते, त्यामुळे ओवशातून कुटुंबात आनंद आणि पुत्र-पौत्रांची भरभराट व्हावी अशी अपेक्षा असते. ओवसा (किंवा ओवाळणे) म्हणजे एका सुपावर गोड पदार्थ, फळे आणि इतर बिया व भाज्या ठेवून देवीला दाखवणे आणि ओवाळणे.
या विधीमध्ये गौरीची पूजा केली जाते आणि तिला घरात माहेरवाशिणीप्रमाणे आदर दिला जातो. या प्रथेमुळे घरात गौरीचे आगमन होते आणि ती धन-धान्य घेऊन येते असे मानले जाते. गौरी पूजन आणि ओवसा करण्याची सकाळ पासून लगबग सुरू झाली होती.